Angen cymwysterau neu gymorth pellach i gymryd dy gam nesaf?
Os oes gen ti swydd benodol neu lwybr gyrfa mewn golwg, bydd yr elfen hon o Twf Swyddi Cymru+ yn dy helpu i wireddu hyn.
Galli di ennill sgiliau newydd yn y pwnc o’th ddewis, a chymwysterau i dy helpu i gamu ymlaen i lefel uwch.
Galli di hefyd gael profiad gwaith gyda chyflogwyr lleol. Efallai y byddi di hyd yn oed yn cael cyfweliad swydd go iawn ar ddiwedd dy brofiad gwaith - a bydd y cymorth y byddi di’n ei gael gan Twf Swyddi Cymru+ yn dy helpu i wneud argraff dda.
Beth sy’n digwydd ar elfen Datblygu Twf Swyddi Cymru+?
Byddi di’n cytuno ar dy Gynllun Dysgu Unigol gyda dy ddarparwr Twf Swyddi Cymru+ a fydd yn ei ddefnyddio i drefnu gweithgareddau hyfforddi a datblygu sy’n benodol i ti.
Gallai gweithgareddau gynnwys pob un neu gyfuniad o’r canlynol:
- Cyfleoedd dysgu mewn canolfan gyda dy ddarparwr Twf Swyddi Cymru+
- Treialon gwaith byr gydag un cyflogwr neu fwy
- Prosiectau cymunedol
- Gwaith gwirfoddol
Bydd dy gyfleoedd hyfforddiant a phrofiad gwaith yn adlewyrchu dy ddiddordebau, a byddi di’n cael y cyfle i gael blas ar bob math o weithgareddau sy’n adlewyrchu swyddi go iawn.
Bydd dy ddarparwr Twf Swyddi Cymru+ yn dy gefnogi i sicrhau dy fod yn derbyn y cymorth sydd ei angen arnat ti.
Faint fyddi di’n cael dy dalu?
Yn yr elfen hon o Twf Swyddi Cymru+ byddi di’n gallu derbyn lwfans hyfforddiant o hyd at £60 yr wythnos.
Bydd yn rhaid i ti fynychu o leiaf 16 awr yr wythnos. Fodd bynnag, bydd y lwfans hyfforddiant llawn o £60 ond yn cael ei dalu os wyt ti’n mynychu 30 awr neu fwy mewn unrhyw gyfnod o 7 diwrnod. Bydd swm y lwfans hyfforddiant y byddi di’n ei dderbyn yn dibynnu ar nifer dy oriau.
Pan fyddi di ar raglen Twf Swyddi Cymru+ byddi di hefyd yn cronni gwyliau blynyddol bob mis heb iddo effeithio ar dy lwfans hyfforddiant.
Cymorth ychwanegol
I’r rhai sydd ei angen, mae cymorth ariannol a phersonol ychwanegol ar gael i dy helpu i gwblhau dy raglen Twf Swyddi Cymru+. Bydd meini prawf cymhwyster yn gymwys, a bydd ein cynghorwyr Cymru’n Gweithio yn trafod dy amgylchiadau wrth iddyn nhw asesu dy anghenion.
Gwyliwch y fideo
Dysgwyr Twf Swyddi Cymru+, Ethan, Angel, Nina a Kavan
Neidia ‘mlaen i’r rhannau da gyda Twf Swyddi Cymru+
Gwyliwch fersiwn Iaith Arwyddion Prydain o Dysgwyr Twf Swyddi Cymru+, Ethan, Angel, Nina a Kavan.
Cysylltwch â ni i wneud cais am Twf Swyddi Cymru+
Byddwn yn siarad â chi am eich nodau, ac os yw Twf Swyddi Cymru+ yn addas i chi, byddwn yn eich cyfeirio at y rhaglen.
Cysylltwch dros y ffôn, e-bost, neu sgwrs ar-lein:
Gallwch hefyd ofyn i ni ffonio chi nôl pan mae'n gyfleus i chi.
Archwilio
Mae Nina’n mynd y tu hwnt er mwyn cael ei swydd ddelfrydol.
Mae Ethan yn mwynhau’r profiad ymarferol mae Twf Swyddi Cymru+ yn ei gynnig.
Mae Angel yn creu dyfodol gwell iddyn nhw eu hunain.
Mae Kavan yn troi ei frwdfrydedd oes yn yrfa.
Rhagor o wybodaeth
Rhaglen hyfforddi a datblygu ar gyfer pobl ifanc 16-19 oed yw Twf Swyddi Cymru+, sy’n rhoi’r sgiliau, y cymwysterau a’r profiad sydd eu hangen arnat ti i gael swydd neu hyfforddiant pellach.
Ddim yn siŵr pa lwybr gyrfa rwyt ti am ei ddilyn? Gall yr elfen hon o Twf Swyddi Cymru+ dy helpu i benderfynu.
Angen rhywfaint o gymorth i gael gwaith? Bydd yr elfen hon o Twf Swyddi Cymru+ yn dy helpu gyda hynny.