Stori Daren

Mae Daren Chesworth o Garden Village, Wrecsam yn dweud mai i’w brentisiaeth y mae’r diolch am ei yrfa lwyddiannus. Ar ôl dechrau ar lawr y ffatri, mae bellach yn rheoli cwmni byd-eang gwerth £30 miliwn.

Dangos menter a chreu gyrfa

Pan adawodd Daren, sy’n 31 bellach, yr ysgol dechreuodd weithio ar lawr y ffatri, yn gwneud gwaith cynnal a chadw cyffredinol. Ar ôl penderfynu ei fod am greu gyrfa iddo’i hun ym maes peirianneg, aeth Daren at ei gyflogwr a holi am y posibilrwydd o fwrw prentisiaeth.

Ar ôl gorffen ei brentisiaeth Gradd mewn Peirianneg Electronig, mae Daren wedi’i ddyrchafu i swydd rheolwr cynnal a chadw yn TC Transcontinental, lle mae’n gyfrifol am gynnal y brif adran a hyfforddi prentisiaid newydd. Mae Daren hefyd wrthi’n gwneud ei MPhil/PhD mewn Strategaeth Cynnal a Chadw erbyn hyn, gan rheoli'r gwaith o gynnal a chadw asedau o hyd at £30 miliwn.

Mae Daren wedi dringo’r ysgol academaidd gyda’i brentisiaeth  

Meddai Daren: “Wrth ennill profiad ymarferol mewn peirianneg fecanyddol a thrydanol, dwi wedi gallu dringo’r ysgol academaidd. Dwi wedi cwblhau fy ngradd mewn Peirianneg Electronig erbyn hyn a dwi hanner ffordd drwy fy PhD mewn Strategaeth Cynnal a Chadw.”

Meddai Dr Keith Vidamour, Rheolwr Peirianneg TC Transcontinental: “Dechreuodd Daren gyda ni ddeng mlynedd yn ôl ac ers hynny mae wedi gosod safon uchel tu hwnt i eraill ei dilyn. 

“I ni, mae cael prentisiaid yn golygu ein bod ni’n cael addysgu ac ysbrydoli’r genhedlaeth nesaf, gan eu hyfforddi ar gyfer y rolau penodol sydd eu hangen arnom. Ers rhoi cyfle i Daren fel prentis, rydym ni wedi gweld y manteision a ddaw yn sgil prentisiaethau ac erbyn hyn rydym yn ystyried prentisiaid yn allweddol yn ein strategaeth recriwtio wrth symud ymlaen.”

Archwilio

Darllen fwy o straeon bywyd go iawn