Llwyddodd Lee i wneud newid enfawr i’w gydbwysedd bywyd a gwaith drwy gael cymorth gyrfa personol.
Eisiau gwneud newid
Yn ei swydd flaenorol, roedd Lee yn cymudo o Gwmbrân i Fryste. Roedd hyn yn cael effaith aruthrol ar ei gydbwysedd rhwng bywyd a gwaith.
Roedd hefyd yn teimlo ei fod yn cael ei gyfyngu gan gyfleoedd, gan esbonio: “Roeddwn i eisiau gwneud ardystiad y Bwrdd Arholi Cenedlaethol ar gyfer Iechyd a Diogelwch Galwedigaethol (NEBOSH) i adeiladu ar fy natblygiad gwaith a chymwysterau. Ond doedd hi ddim yn bosibl gwneud hyn gyda fy nghyflogwr.”
Yn yr Eisteddfod, cynghorwyd Lee i siarad â Gyrfa Cymru
Cefnogaeth gyrfa
Darllenodd Lee am y Cyfrifon Dysgu Personol ar-lein ac roedd eisiau darganfod mwy ar unwaith.
Dywedodd: “Allwn i ddim credu nad oedd unrhyw gost iddyn nhw. Felly ffoniais Gyrfa Cymru a siarad â’m cynghorydd gyrfa, Julia, am y tro cyntaf.
“Siaradon ni’n syth am sut y gallwn i ddefnyddio’r Cyfrif Dysgu Personol.
Roedd Julia yn hynod gyfeillgar a chefnogol. Gwnaethom ni drefnu fy nghais a’i anfon ar unwaith.
“Ar ôl hyn y daeth fy nghynghorydd gyrfa ar draws swydd mewn awdurdod lleol, yng nghwmni Tai Sir Fynwy. Yn seiliedig ar fy niddordebau a dyheadau gyrfa yr oeddem ni wedi siarad amdanynt, gwnaeth fy annog i wneud cais amdano.
Y cyfle perffaith
Mae Lee yn parhau i egluro: “Gwnes i gais a mynd ymlaen i gyfweliad. Yna fe gytunon nhw bryd hynny y byddwn i’n gallu gwneud yr ardystiad NEBOSH yn ystod fy oriau gwaith yn y rôl pe bawn i’n llwyddiannus.”
Ar ôl cael cynnig y rôl gyda Tai Sir Fynwy, roedd Lee yn llawn cyffro am ei gamau nesaf.
Dywedodd: “Allwn i ddim credu fy mod i wedi bod mor ffodus i fod wedi dod o hyd i swydd newydd a gallu gwneud yr hyfforddiant roeddwn i wedi bod eisiau ei wneud cyhyd.”
Gwneud gwahaniaeth
Dywedodd Lee: “Rydw i nawr mewn swydd sydd ddeg munud i lawr y ffordd. Mae gen i gyflog uwch sydd wedi helpu gyda gofal plant a fy mywyd teuluol. Mae fy iechyd meddwl gymaint yn well o ganlyniad. Mae wedi talu ar ei ganfed i mi.
“Rwy mor falch fy mod i wedi gallu darganfod pa mor wych y gall Cyfrif Dysgu Personol fod, a’r gefnogaeth gan Gyrfa Cymru hefyd. “Roedd yn gwneud byd o wahaniaeth bod rhywun yn deall yr hyn yr oeddwn yn edrych amdano, gan anfon cyfle i mi a oedd yn berffaith i mi, a fy annog i fynd amdani.
“Gallai fod pobl eraill yn yr un sefyllfa â mi sydd eisiau uwchsgilio ond sydd heb ystyried edrych ar gyfleoedd newydd i allu gwneud hyn.
“Rwyf wir eisiau rhannu sut y gwnaeth Gyrfa Cymru fy helpu i, ac annog pobl eraill i gysylltu â nhw a chael yr un gefnogaeth.”
Archwiliwch Cyfrif Dysgu Personol i wybod mwy, neu cysylltwch â Cymru'n Gweithio.
