Gwesty Hamdden y Celtic Manor
Gall gyrfa ym maes lletygarwch eich cyflwyno i fyd newydd o gyfleoedd os ydych chi’n awyddus i ymuno â’r daith.
Sy Crockford, Pen-Cogydd Gweithredol
Dywedodd Sy Crockford, uwch gogydd bwytai yng Ngwesty’r Celtic Manor yng Nghasnewydd, fod ei yrfa o dros ugain mlynedd wedi cynnwys heriau a phosibiliadau newydd yn rheolaidd, adref a thramor.
“Y rheswm dw i wrth fy modd gyda fy swydd yw’r creadigrwydd a’r amrywiaeth yn yr hyn rwy’n ei wneud. Mae pob diwrnod yn wahanol, mae pob diwrnod yn gyffrous,” meddai.
“Gadewais y chweched dosbarth a mynd i Goleg Sir Benfro, lle ces i fy nghyflwyno i’r maes lletygarwch. Fe ddiweddais i mewn cegin, ac yn sydyn iawn doeddwn i ddim yn defnyddio papur a beiro, ro’n i’n bod yn greadigol ac yn mynegi popeth oedd gen i ar blât.
“Ers hynny, dw i wedi cael cyfle i goginio i lawer o enwogion, teithio’r byd i lefydd fel Japan, yr Almaen, Hong Kong ac Indonesia, a hynny i gyd drwy goginio. Felly mae’n agor llawer o ddrysau.”
Mathew Verallo, Rheolwr Gweithrediadau
Dechreuodd Mathew Verallo ei yrfa’n glanhau gwydrau ym Mar Merlin y lleoliad, ond dim ond chwe blynedd yn ddiweddarach ac mae bellach yn rheolwr gweithrediadau yn un o Westai Tŷ newydd y busnes.
Meddai: “Dim ond un o lawer o straeon tebyg, yn y diwydiant ac yn Celtic Manor, yw fy stori i am ddatblygu yn fy ngyrfa.
“Rydyn ni’n tyfu ac yn meithrin ein pobl ein hunain yn y busnes, ac yn helpu i ddatblygu pobl, drwy gyfleoedd fel rhaglenni cyfnewid yn Ffrainc a Malta.”
Mae staff sy’n gweithio yn y gwesty pum seren yn dweud y gall gynnig profiadau unigryw, yn enwedig pan fydd y safle’n croesawu digwyddiadau byd-enwog.
Charlotte Nutt, Rheolwr Bwcio
Meddai’r rheolwr archebion Charlotte Nutt: “Un o brofiadau gorau fy mywyd oedd pan ges i weithio’r Cwpan Ryder yn 2010. Roedd yn ddigwyddiad anhygoel i gael bod yn rhan ohono, yn enwedig pan ges i gyfle i osod ystafelloedd tîm America, cyn iddyn nhw fynd at y cwrs golff.
Nikos Makripodis, Gofalwr
Meddai Nikos Makripodis, concierge a helpodd i ofalu am arweinwyr y byd yn ystod Uwchgynhadledd NATO yn 2014: “Fy hoff atgof oedd cwrdd ag Arlywydd yr Unol Daleithiau ar y pryd, Barack Obama.
“Roedden ni’n gweithio’n galed i sicrhau bod arweinwyr gwahanol wledydd yn cael gofal da, ac roedd yn gyfnod anhygoel.”
Archwilio
I wybod mwy:
- Os ydych chi'n 16 oed neu'n hŷn ac os hoffech chi ymchwilio i'ch cyfleoedd gyda chynghorydd gyrfa, cysylltwch â thîm Cymru'n Gweithio drwy eu ffonio am ddim 0800 028 4844, e-bost cymrungweithio@gyrfacymru.llyw.cymru neu drwy ein sgwrs fyw
- Gweld swyddi gwag yn y Celtic Manor (Saesneg yn unig) i archwilio eu cyfleoedd ym maes lletygarwch
- Defnyddiwch wefannau swyddi i ddod o hyd i ddewis eang o swyddi gwag
- Dewch o hyd i gyflogwyr sy'n recriwtio nawr a'n bwletin swyddi i weld y swyddi gwag sydd ar gael ledled Cymru ar hyn o bryd
Gwyliwch y fideo
Efallai y byddech hefyd yn hoffi
Gweithwyr yn The Grove, sef gwesty a bwyty mewn tŷ gwledig yn Arberth, Sir Benfro, sy’n sôn am eu profiadau o weithio yn y diwydiant ac yn rhannu’r manteision niferus sydd ar gael.
Archwiliwch y gwahanol fathau o swyddi y gallwch eu gwneud ym maes lletygarwch, hamdden a thwristiaeth, gan gynnwys beth mae’r swyddi’n ei gynnwys, cyflogau, cymwysterau, y sgiliau angenrheidiol a mwy.
Cymerwch olwg ar y cyflogwyr sy’n recriwtio ar hyn o bryd. Dechreuwch chwilio am swydd yma.
Mae gwahanol ffyrdd o gysylltu â ni